Methan mahar lapen ingnar atomo

METHAN, MAHAR LAPEN INGNARPI ATOMO

Atiri:- Chandra Inghi

Longjon sarpo, Diphu

Kapangrum:- Bamonpo

Hako ahut recho donsuri arong along inut ajjangreso akorteakibi bang hini pen dodunchom . Jangreso amumar akleng amen Sibong lapen akibi amen ke Mahar. Latum api ave apo ave, angjir ave arlo ave. Ahem arit ta kavedet ateng. Kidukdun bang apar. Bonta, akleng abang arta domuchot apot ningding ningjon pen bang ateng bang amang kaboche kasonsedunji aphan un’an bor’idun. A’ik akleng kejapon ateng amumar bang hini ta keklem kedam charlidun si ahem arit alon chepadojot lo. Mat ahem ma, bangpo ahem, mat arit ma bangpo arit pu monit atum chethan rinti lo

Isi apor ke jangresomar bang kethom angbong pen aklengsi abang piso some en lo. Ahem nangkachidunmi arloso amen ‘Ingnarpi’. Arje abon, ade akam pen Ingnarpi aphan bang atum rori . Api apo kavedet akorpomar bang hini ke ingnarpi aphan kepatipilong apot aning arongpikpak. Amena asomar inut avedet ako pen osomar jangre ka’oranang pu ra ingnarpi ta aning chepa’oi’e. Laso alar unchit akam’an kachotoilong apot atipi Ingnarpi abang ta aning si arongthu . Bang ason choboche chongtungdun si latum recho don suri arong rengdok rengni pen dodunbom lo.

Apiso lang a’ok kachor’i pu hangkai amat arnisi ke jangreso akleng abang ha langroi ok ridamjui. Nangtipi along hem hondunnon pu amumarbang hini mate Sibong pen Mahar aphan chipu tekang lo. Laso arni ketok keset kangkrung kangrap asai ke’ongso kali. Akorpomar bang hini le ingnarpi along kacherapdunthek ta kali.........

( laso atomo ingthimlim pen kelongji lapen pirthe ajat alam pen sitame ketok kirlaji aphan aber ketok anonbor along phone nanglo iknon:--Ph No 9854245421)

*******