O’ KURUSAR DRUNACHARYA

( Aporpe chom kachevoitang ne so akibi Sarpo Rongkhelan aphan mekkri chepabuprup pen kepanong),

Bang bang kachethan........

(Mahabharat along pi ma kedo
Pirthe athak do lo, lapen pi ma kave,
Pirthe athak si ave lo.)

Hako punon non punon,
Ari katinipar anokbepo;
‘Arjun’ do pu ne chini.
Padonang!

Bonta, o’ Kurusar Drunacharyara!
Nephan nang
Ekalabya nekividet athe kopi?

Ne ri munpo ar’e nekangthanpong ale pen
Pirthe kehon longji nang ni ko’an?
Mahabharat a thama thepo along
Nephan nekeponmo ke
Nang ta kechokche angkung binong lo.

Pirthe ruretik ne nangkipi ahirjuno
Nangphuthak pedonang,pedovernang!
Pirthe a'ok pen si nang ta keman
Pirthe athak si nang ta ingjirji,ingjirvekji !!!